انت عبيط ولا اهبل....؟؟؟؟؟؟

-أسئلة كثيرة يمكن ان تواجهنا فى حياتنا منها اسئلة محرجة و اسئلة غريبة و اسئلة غبية و بالتالى تتعدد الاجوبة فمثلا من الاسئلة المحرجة التى يمكن ان تواجه امراة مثل: انتى عندك كم سنة؟؟ فاحيان يكون هذا السؤال من احرج الاسئلة وتسأل فتاة عانس انتى عندك اولاد؟ وهكذا تتوالى الاسئلة المحرجة .
اما عن الاسئلة الغريبة : انت ولد ولا بنت؟ فهذا سؤال غريب يجعلك فى قمة الاستغراب مع انك واثق تماما من نوع جنسك….
ومن الاسئلة الغبية التى يمكن ان تواجه احد هى الاسئلة التى لا يمكن الاجابة عنها .. فمثلا سؤال غبى يمكن ان يواجه احد وهو: انت عبيط ولا اهبل..؟؟ فاذا اجبت بعبيط يبقى انت اهبل واذا اجبت بأهبل يبقى انت عبيط لأن الاجابة عن السؤال واحدة ..ومع احترامى للحمار لما حد يسألك أنت غبى ولاحمار ؟؟ لو قلت غبى يبقى انت حمار ولو قلت حمار يبقى انت غبى لان الاجابة واحدة ..ومن اسئلة الغباء احم احم …اقصد الذكاء كيلو الحديد أتقل من كيلو القطن ولا العكس ؟
فالاجابة واحدة ايضا…. ولكن من اغرب الاسئلة التى تواجه الانسان وهى ليست اغرب الاسئلة ممكن اعجب الاسئلة وممكن اغبى ايضا.. هى :انت مسلم ولا مسيحى ؟
سؤال غريب وغبى جدا وانا عن نفسى لما حد بيسألنى السؤال ده مش بريحه.. لان عند الاجابة عن هذا السؤال لازم نفكر كويس جدا قبل الاجابة عنه..زمان كان جورج صاحب مصطفى وام احمد كانت علطول مع ام عزت ومنى كانت صاحبة كاليوبى يعنى مكنش فيه فرق مابين ده و دى ..كانوا كلهم واحد فى رمضان كله يجيب فوانيس فى شم النسيم كله بياكل فسيخ فى العيد كله بياكل كحك .. يعنى برضه مافيش فرق ما بين ده او دى.
يبقى مين له مصلحة ان يبقى فى فرق ما بين مينا واحمد ..يبقى لازم لما نسمع او نقرأ حاجة نفكر ونحلل ونشوف الموضوع كويس وجوه قبل بره.. لازم كلنا نبقى مصدقين وواثقين فى بعض.. الموضوع مش مسرحية او فيلم او انفجار الموضوع اكبر بكتير..لازم نعرف مين اللى وراء هذه الاحداث الطائفية شعوب كتير راحت وبلاد كتير انضربت بكل سهولة لانهم اتفككوا لانهم مابقوش واحد لو فكرنا كويس فى الكلام ده ساعتها حنجاوب بكل سهولة عن السؤال ده لان الاجابة حتبقى ساعتها واحدة…………