كُل اللى يعجبك والبس اللى يعجب الناس !!!
الجملة دى اكيد اتقالتلك 10000 مرة لو انت حد من الناس اللى مختلفة عموما عنهم
او بمعنى تانى اللى تفكيرك او اسلوب حياتك مختلف عن النمط العادى او الطبيعى اللى معتاد عليه
والجملة دى كتير اوى بيقولوهالى من اهلى وصحابى ومن معارفى ومن الشغل ومن ومن ومن .. والخ الخ الخ
ده ناقص حتى ايمن البواب يقولهالى
وماتعرفوش بجد ادد ايه الجملة دى بكرها اوى ليه اكل اللى يعجبنى والبس اللى يعجب الناس
ليه ما اكلش والبس اللى يعجبنى
وبعدين وانا مالى بالناس وهما اصلا مالهم بيا
انا اعمل اللى عايزوا طالما دى حاجة تخصنى
طالما دى حاجة بتاعتى يبقى انا حر
انا حر أكل واشرب والبس واصحى وانام واشتغل واتكلم وارقص واغنى كمان
انا حر اعمل اللى انا عاوزه
ليه احط فى دماغى ده حيقول ايه او دى حتعمل ايه
ما كل واحد يخليه فى حاله
والغريبة بقى ان ممكن حد من صحابك هو اللى يقولك جدا
وحط تحت صحابك دى 30 خط احمر علشان صحابك دى اكتر ناس المفروض عارفينك كويس
والمشكلة بقى ايه ؟؟ ان انا العنادية دى اكبر جزء فى تكوين شخصيتى
يعندى حتقولى يمين حتلاقينى رايح شمال .. حتقولى شمال حتلاقينى طالع فوق
ما اصلوا ممكن انت ايه تتزاكى عليا وتقولى مثلا شمال على اساس اروحلك يمين وتكون انت من الاول عايزنى يمين .. بس لأ يا حلو العب غيرها وكان غيرك اشطر
وعلى فكرة موضوع العناد ده اكيد عملى مشاكل كتير بسبب ان ممكن حد قريب منك اوى يكون بينصحك بجد وفعلا بيطلع اوقات كتير عنده حق
بس عموما انا بحب ان اعمل اللى انا عايزه مش الفلان او الفلانة عايزانى اعمله
مش الناس حتضايق منى لو عملته علشان انا مابعملش حاجة تضر حد حتى لو حعمل حاجة تضر حد فبيكون أنا .... يعنى من الاخر خليك فى حالك
كان فى حاجة قريتها زمان فى مجلة وكانت عبارة عن قصة رجل عادى
انا واحد عادى اتجوز واحدة عادية خلفوا واحد عادى
اما الواحد العادى دخل مدرسة عادى واتخرج ودخل جامعة عادى وحب واحدة عادية وخلفوا عادى وولادهم خلفوا عادى فبقى جد عادى فمات زى اى واحد عادى
فمن ساعت ما قريت القصة العادية دى قررت ان مبقاش عادى
وطبعا لازم ادفع تمن القرار ده
ان الناس العادية تبقى مستغرباك انك مش عادى زيهم و لأ ايه .... يبقى مضايقين وعايزينك تلبس عادى زيهم .... !!! أحا
علشان كدة انت لو عايز تبقى بنى ادم مختلف
كل اللى يعجبك
وألبس اللى يعجبك برضه
وأشرب اللى يعجبك
و أتجوز اللى تعجب ده حتى لما تخلف خلف بالطريقة اللى تعجبك
ومايهمكش الناس
و سلاموا عليكم
to7faaaaaaaaaaaaaaaaaaaaa bgd
ردحذفصح عندك حق الناس دايما بتتدخل في امورك بس اهم حاجة انك تكون عندك شخصية مستقلة... وانا باكل اللي يعجبني وبلبس اللي يعجبني بس بصراحة بحب اخد رأي الناس ويا تقنعني يا اقنعك وف الاخر هعمل اللي انا عيزاه بس لما اقنع اللي ادامي.... بس انت كدة صح واوعي تتغير ♥♥
ردحذفوالله عندك حق انا زيك بسمع الكلمة دى كتيييييييييييييير بس برضه بعمل اللى فى دماغى
ردحذفاصلا صعب انك ترضى كل الناس الاسهل انك ترضى نفسك ... و نفسك اولى بالرضا اكيد
ردحذفانا كمان باكل و بلبس و بعمل الى يعجبنى مع مرعاة تقاليدى و مبدئى و من غير مضر حد تانى
to7fa bs ya slaaaaaaaaaaaam lwo el nas tbt2l td5al f 2ly mlhash fe w kon kol wa7ed f 7alo
ردحذف7lwaaaaaaaaaaaaaaaaaaaaaa awiiii w f3ln nfsi a3rf LoW kol wa7d ba2a fe 7alo 7y5sar eah w lw el nas tbtal tsh3'l nfsha belle 7welaha w tfkr fe nfsaha bas w tbtal tdt5l felle mlhash feh wallahy lw nbtal ntklm 3ala 3'erna w nbos lnfsnaa bas wallahy 7n2baaa zay el fOl, niCe pola bgd tslm edak ;)
ردحذف