حاول تقرأ الجملة دى ....... نيتبنه تنيخو ىيالس خاغخ صنيكه مى مسح خهغقهة منتلبة.
عرفت تقراها !! ؟
طيب حاول تفهمها ..حتعرف تفهمها وانت مش عارف تقرأها ؟!!!!!
طيب لو قلتلك انك ممكن تكسب 5000 جنيه لو فهمتها
حتحاول تانى ....بس برضه مش حتفهمها
حتى لو وصلت وقلتلك حتاخد مليون جنيه ...ولا اقولك بلاش جنيه خليها دولار يا عم
برضه نفس الموضوع
عارف ليه ..علشان الجملة مش واضحة ومابتتقراش ف بالتالى مش حتعرف تفهمها
قيس الموضوع ده دايما على نفسك
حاول تفهم نفسك ..تعرف انت عايز ايه علشان غيرك يعرف يقراك علشان غيرك يعرف يفهمك علشان يعرف يكسبك ....
الموضوع بسيط اعرف نفسك وافهمها علشان تدى فرصة للى قدامك انه يعرفك ويفهمك ويكسبك
كناس كتير جدا بتحس انها وحيدة ماعندهاش صحاب او مش محبوبة والحل كله فى ايديهم
بس اعرفوا نفسكم وافهموها كويس اعرف ايه مميزتها واعرفوا ايه عيوبها
حاولوا تحبوها علشان غيركم يحبكم
ادى لنفسك فرصة الاول واعرف نفسك و تقبلها علشان غيرك يتقبلك ويحبك او يكرهك علشان يختار ان يصاحبك او مايعرفكش تانى
بس طول ما انت مش عارف نفسك محدش حيعرفك
حبيتها
ردحذفحلوة
ردحذف